Այսօր առավոտյան ԼՂՀ հարավային ուղղությամբ տեղակայված մի զորամասի մարտական հենակետերից մեկում ծառայակցի կրակոցով կատարված սպանությունից «Առաջին լրատվական»-ին որոշ մանրամասներ են հայտնի դարձել: Մասնավորապես՝ մեր տեղեկություններով, դեպքը տեղի է ունեցել Հադրութի հենակետում հերթափոխի ժամանակ: Գևորգ Ավագյանի վրա կրակած զինծառայող Արմեն Սարգսյանը քնած է եղել պահակետում: Գևորգը երկու ծառայակիցների հետ մոտեցել է, արթնացրել Արմենին և հարցրել, թե ինչու է քնել հերթապահության ժամանակ: Խոսակցությունը վերաճել է վիճաբանության և հայհոյանքների, ինչից Արմենը բորբոքվել է և մատը չվերցնելով ձգանից՝ ամբողջ պահունակը կրակել է Գևորգի ուղղությամբ: Արմենը Սարգսյանը ծնունդով Ալավերդուց է, բանակ էր զորակոչվել 6 ամիս առաջ և առաջին անգամ էր դիրքեր բարձրացել, առաջին հերթափոխն էր: «Առաջին լրատվական»-ի տեղեկություններով, սակայն, Արմենը բանակ զորակոչվել է առողջական բազմաթիվ խնդիրներով՝ 3-րդ կարգի հարթաթաթություն ունի, որոշակի աստիճանի ճարպակալում, թոքերի խնդիր: Նա մի քանի անգամ հանձնաժողովով է անցել, նշվել է, որ հաստատված է՝ պիտանի չէ շարային ծառայության: Բացի այդ, նրան չէր թույլատրվում նաև հենակետ բարձրացնել: Սակայն ծառայության անցնելուց հետո նա և մասնակցել է շարային ծառայությանը, և, փաստորեն, դիրք է բարձրացել: Շարունակությունը՝ սկզբնաղբյուր կայքում։