ՌԴ նախագահը 190 րոպե տևած ասուլիսի ընթացքում պատասխանել է 39 լրագրողի հարցերին: Այս մասին հաղորդումէ «ՏԱՍՍ» գործակալությունը: Այս անգամ ասուլիսը մոտ մեկ ժամ ավելի կարճ է տևել, քան նախորդ տարի: Նախագահի և լրագրողների հարցուպատասխանի հիմնական թեման եղել են ֆինանսատնտեսական խնդիրները, որոնք այսօր գտնվում են միջազգային հանրության օրակարգում: Չնայած դրան՝ եղել են նաև այլ հարցեր, այդ թվում՝ անձնական բնույթի: Վլադիմիր Պուտինի մամուլի ասուլիսը լուսաբանելու համար հավատարմագրվել էր 1.259 լրագրող: Միջոցառմանը, բացի ՌԴ-ից, մասնակցել են թղթակիցներ Գերմանիայից, Վիետնամից, Կորեայից, Չինաստանից, ԱՄՆ-ից, Ֆրանսիայից և այլ երկրներից, այդ թվում` 8 լրագրող Ուկրաինայից: